تسويق إليكترونى

تسويق إليكترونى

وظائف تسويق الكترونى القاهره, Egypt دوام كامل

شرح مهام الوظيفة

تحذير هام هام هام جدا جدا جدا

إلى كل الناس بحذركوا وبنصحكوا لوجه الله

فى شركة بتعمل إعلانات توظيف وهمية وبتاخد فلوس من الناس الشركة إسمها Liberty of The Seas ليها إعلانات كتيرة على شبكة النت على كل مواقع التوظيف ومواقع السوشيال ميديا Facebook وغيره .

أنا ليه بقول كده عشان أنا كنت واحد من الناس اللى وقعوا فى الفخ ده واتنصب عليه، أنا فى البداية أشتغلت معاهم بعد ماطلبوا منى ابعت صورة البطاقه والـ CV ووافقوا عليه وطلبوا 250 جنيه وبعد كده زودوها خلوها 300 جنيه وبعتلهم الفلوس على فودافون كاش على الرقم ده 01030547461 بعدها بيوم بعتولى ملفات PDF خاصة بالشغل والإعلانات بتاعتهم وفيديوهات وملفات صوتيه بتتكلم عن الشركة بتاعتهم وعن طريقة الشغل وعقد مكتوب على كمبيوتر فيه اسمك وكودك وشيفت الشغل بتاعك ومبلغ القبض وبيقولك أول شهر تدريب ( محبوكة قوى يعنى ) عشان يقنعك وميخليكش تشك فى حاجه .

وبعتولى سكربت أعلان واحد وقالولى نزله كل يوم 250 مرة موزعه على كل مواقع التوظيف والفيسبوك لمده شهر التدريب، وبالفعل بدأت الشغل معاهم لمدة عشرين يوم كنت بعمل كل يوم 250 أعلان على كل المواقع الخاصة بإعلانات التوظيف والفيسبوك وده خلانى اشترك واعمل حسابات كتيرة على المواقع دى وكل إعلان كنت بعمله سكرين شوت عشان ابعتلهم 250 صورة من الاعلانات اللى عملتها كل يوم على الواتس على الرقم ده برضه 01030547461 وكانوا يستلموا الاعلانات ديه ويردوا عليه بكلمة " تمام " .

بعد العشرين يوم كنت بشتغل عادى وببعت الشغل يوميا وفضلت كذا يوم على الحال ده لحد ما أكتشفت بعد كده ان الكام يوم دول مبيستلموش الشغل على الواتس ولا حد بيرد عليه خالص وبتظهر علامة صح واحده " √ " على الواتس وده معناه طبعا ارسال بس ومفيش استلام قولت يمكن مقفول او مش واصل بالنت لكن جربت ابعت اى رساله من رقم تانى وتالت اتصدمت لما لقيته مفتوح وبيردوا عليه واتضحلى بعد كده انهم عملولى بلوك على الواتس وكل مكلمهم من اى رقم تانى يعملولى بلوك اول ميعرفوا انى كنت شغال معاهم .

انا بصراحه كنت شاكك فى بداية الامر واترددت كتير عشان طلبوا فلوس ومفيش شركة محترمة تشغل اى حد وتطلب منه فلوس لكنى كنت محتاج فعلا اى شغل وقولت اجرب وانا وحظى .. لكن للاسف طلعوا نصابين ومحتالين عايزين يلموا فلوس بالالاف ويضحكوا على كل الناس تحت شعار شركة مزيفة اسمها Liberty of The Seas وعلى فكرة فى شركات تانيه نفس نظام النصب ده برضه هما :

- Nile Resort for tourism planning and technical support

- شركة ايجل للامن والحراسة والخدمات الفندقية وادارة المشروعات

أنا بنصحكم لوجه الله يا جماعه عشان محدش يقع فى الفخ ده تانى وعشان مشيلش ذنب اى حد شاف الاعلانات اللى كنت بعملها للشركة النصابه دي وأبرئ نفسى أمام الله وأمامكم .

جربوا تضيفه الرقم ده على الواتس 01030547461 وبعد ما تضيفه اضغط عليه من فوق هيظهرلك على اليمين تفاصيل كتيرة عنهم زى مواعيدهم وعنوانهم والمستندات الخاصه بيهم وهتلاقيهم كتبين الجملة دى بالظبط

" نحن مؤسسة تطوير سياحي وتكنولوجي نعمل علي رفع المستوي الإداري للمنشآت " قصدهم رفع مستوى النصب والإحتيال على الناس .

أنا بعتذر لكل الناس اللى شافوا الاعلانات اللى عملتها وراسلونى على الميل ورديت عليهم برقم التليفون والكود لان شركة النصابين دي هما اللى قالولى ارد بكده بس .

" سامحونى عشان أنا أتنصب عليه قبلكوا .. للأسف بس الاحتياج للشغل هو اللى عمل كده بيخلى الواحد ميفكرش كويس وياخد قرارت غلط ويقع فى ايد ناس نصابه مبتعرفش ربنا ولا بتخاف منه .. اللهم إنى قد بلغت اللهم فاشهد "

حسبنا الله ونعم الوكيل


Ads

ملخص الوظيفة

  • تاريخ النشر : منذ شهر
  • Vacancy: 20
  • نوع الوظيفة : دوام كامل
  • المكان : القاهره, Egypt
  • الراتب : 4000
  • النوع : اى نوع
  • أقصي موعد للتقديم : Feb 12, 2022

عن الشركة

وظائف مشابهة

+ كل الوظائف